Украинските војници заробени во челичарницата Азовстал во Мариупол имаат уште малку храна и вода за пиење, објави украинската новинска агенција Униан, повикувајќи се на изјави на сопругите на бранителите.
„Разговарав со сопругот вчера. Ми рече дека продолжува бомбардирањето и дека скоро никогаш не излегуваат на површината“, вели Јулија, сопруга на војникот Арсениј Федосјук.
„Прилично се песимисти, се подготвуваат за последната битка бидејќи не веруваат во дипломатско решение на ова прашање. Поголем дел од времето се во бункер, бомбардирањето трае постојано“, изјави таа.
Според сведочењата на сопругите, во Азовстал има многу малку вода, а војниците мора да пијат вода која претходно била користена за работа на електраната.
„Добивме повик пред неколку часа. Ме погоди веста дека Русите фрлаат фосфорни бомби на Азовстал“, вели Катерина, сопруга на полковникот Денис Прокопенко.