Сопружници од село Мокриево, на возраст од 70 и 69 години, загинаа вчера поплад во во тешка сообраќајна несреќа на излезот од село Колешино, кај Струмица.
Според информации од СВР Струмица, автомобилот „фолксаваген пасат“ со струмички регистерски ознаки, кој го управувал Т.Н. и во кој сопатник била неговата сопруга Н.Н., излетал од коловозот и завршил во каналот покрај патот.
Од здобиените повреди и двајцата починале на местото на несреќата, а лекар од Итна медицинска помош ја констатирал смртта.
Поради големото оштетување на автомобилот, во извлекувањето на телата учествувале и пожарникари од ТППЕ Струмица.
На местото на несреќета увид извршиле екипа на полицијата и јавен обвинител од ОЈО Струмица.
Во последните 24 часа ова е втора сообраќајна несреќа со смртни последици во овој регион. Синоќа на локалниот пат Ново Село – Мокриево, исто така, загина жител на 38-годишна возраст од селото Мокриево, а уште две лица беа повредени.
