Компанијата Tesla, чиј соственик е Елон Маск, откри дека некои сопственици на нејзините електрични автомобили ги „хакираат“ сопствените возила за да добијат подобри перформанси.
Автомобилите на Tesla редовно добиваат софтверски надградувања кои ги решаваат проблемите и ги аѓурираат системите, а сопствениците може да купат и низа други подобрувања, вклучувајќи подобри перформанси, преку апликацијата на Tesla.
Едно од овие подобрувања е Acceleration Boost за Tesla Model 3 Dual Motor кое чини 2.000 долари ако го купите преку апликацијата. Оваа опција „отклучува“ дополнителни 50 коњски сили и го намалува времето потребно за забрзување од 0 до 100км/ч на 3,9 секунди.
Меѓутоа, компанијата Ingenext продава уред кој ги „отклучува“ напредните перформанси за двојно помала цена. Доволно е само сопственикот на Tesla автомобилот да го спои конекторот на MCU единицата на возилото, а може да го добие и интересниот Drift Mode.
Компанијата Tesla ѝ нема дадено дозвола на Ingenext да го продава уредот, па сега презема мерки да го сузбие „хакирањето“.
На сопствениците на автомобили во кои било „интервенирано“ им испрати нотификација за „некомпатибилна модификација на возилото“ (incompatible vehicle modification) и предупредување дека тоа би можело да резултира со „потензијален ризик од оштетување или целосно исклучување на возилото“.
Нотификацијата наводно останува да стои така на екранот, но автомобилот и понатаму е во возна состојба.
Во меѓувреме, Ingenext ги извести своите клиенти да не го купуваат ажурирањето на Tesla, бидејќи за две недели ќе ја имаат „хакираната верзија“.
