Instagram моделот Линдзи Пелас не стана интернет сензација со 8.7 милиони следбеници на Instagram залудно, таа за Maxim откри неколку совети како да направите најдобри селфи фотки.
„Не сум Синди Крафорд, како што може да видите, но добро заработувам од моите селфи фотографии“, вели атрактивната Линдзи.
Таа советува дека за добро селфи е важно да имате добро осветлување, да ги користете добрите агли на лицето за фотографирање и да користете добра апликација за разубавување на фотографиите.
Таа вели дека користи Facetune, која е нејзина омилена апликација.
„Сосема ви е дозволено да ја поправите фотографијата и да се претставите себеси пред светот како што сакате. Што ви е грижа што мислат луѓето?“, советува таа.
Се разбира дека Линдзи е во право, судејќи според нејзините фотографии и видеа, без разлика дали се за новиот календар за 2021 година или за некоја реклама.