Целулитот е проблем со кој се соочуваат 90% од жените и што понекогаш тврдоглаво останува и покрај напорното вежбање.
Некои жени цел живот се борат против целулитот, а притоа не забележуваат никакви резултати.
Целулитот се создава од неколку причини - пореметување на циркулацијата, физичка неактивност, неправилна исхрана, стрес или пушење.
Постојат неколку начини како може да го намалите вашиот целулит и да го обликувате задникот.
Креми
Не постојат научни докази дека кремите против целулит помагаат, но може да направат вашата кожа да изгледа поцврсто и поубаво.
Професионална масажа
Третманите како што е мадеро терапијата се многу ефективни за намалување на целулитот.
Експертите се согласни во тоа дека клучот за успешна борба против целулит лежи и во здравиот начин на живот.
Храна која треба да ја избегнувате:
Пица
Покрај лошото генетско наследство, лошата циркулација исто така може да биде причина за создавање на целулит. Пицата најчесто се состои од многу масти и бело брашно, нешто што може да биде погубно за правилна циркулација.
Бел леб
Нутриционистите препорачуваат белото брашно целосно да се исфрли од менито. Белиот леб го зголемува нивото на инсулин, носи „празни калории“ кои го поттикнуваат создавањето на масни клетки.
Алкохол
Алкохолот содржи голем број на токсини и калории. Покрај тоа, витаминот Ц, калциумот и цинкот потешко се апсорбираат во организмот и на тој начин алкохолот го блокира нивниот ефект против мастите.