Ерик Артур Блер, познат и под книжевниот псевдоним Џорџ Орвел, бил англиски писател, есеист, критичар и новинар. Најмногу запаметен остана по денес актуелните романи „Животинска фарма“ и „1984“.
Во есејот „Политиката и англискиот јазик“, напишан во 40-тите години на минатиот век, се пожалил на лошото пишување поврзано со англискиот јазик и веднаш понудил неколку совети за добро пишување.
Што им советува Џорџ Орвел на писателите?
- Немојте да користите метафори, споредби и други стилски фигури кои сте ги виделе во некој текст.
- Никогаш немојте да користите долги зборови онаму каде што и кратките ја вршат истата функција.
- Ако е можно да исфрлите некој збор, направете го тоа.
- Никогаш немојте да користите пасив таму каде што можете да користите актив.
- Никогаш немојте да користите туѓи фрази, научни изрази и жаргони, ако може да користите секојдневни и вообичаени зборови.
- Подобро прекршете кое било од овие правила отколку поради нив да напишете нешто глупаво.
