Совршен олимписки скок – видеото има 30 милиони прегледи

Кинезинките Јукси Чен и Хонгчан Куан го фасцинираа светот со нивниот синхронизиран скок за олимписко злато од 10-метарската платформа.

Двојката доминираше од самиот почеток, имаа речиси 15 поени предност во првите два скока, а натпреварувањето го завршија со 359,10 поени.

Како двојка првпат освоија златен олимписки медал, а видеото од нивниот совршен скок собра речиси 30 милиони прегледи на X (Twitter).

Победата на Кинезинките не беше изненадување со оглед на тоа што 17-годишната Куан и 18-годишната Чен освоија девет светски титули откако почнаа да се натпреваруваат како двојка во 2022 година.

Јо Џин Ми и Ким Ми Рае од Северна Кореја го освоија сребро, а Британките Андреа Спендолини Сириекс и Лоис Тулсон завршија трети.