Со овој едноставен рецепт може да подготвите јадење коешто може да биде самостоен оброк или додаток на главното јадење.
Потребни состојки:
-300 г брокула
-1 поголем морков
-2 помали компири
-половина шолја павлака за готвење
-малку сол
-кромид и лук по желба
-10 г исецкани бадеми, индиски ореви или лешници
Начин на подготовка:
Излупете ги и исечете ги компирите и морковот. Ставете ги во зовриена вода и варете додека не омекнат малку. Измијте ја добро брокулата, исечете ја на мали делови и додадете ја на компирот и морковот, продолжете со варење додека зеленчукот целосно не омекне.
Исцедете и ставете сè во блендер. Додадете сол и бибер по желба, а може да ставите лук или кромид по желба. Добро исецкајте и зеленчукот вратете го во тенџерето, додадете ја павлаката за готвење и мешајте неколку минути додека не се соедини и згусне.
Сервирајте ја крем супата во садови и наросете свеж магдонос и сецкани бадеми.
