Комбинација на вкусови што ќе ве одушеви.
Состојки:
200 гр свежо сирење
3 лажици ајвар
2 лажици мелени ореви
2 лажици путер
3 лажици сечкан магдонос
сол, бибер (количина по желба)
Подготовка:
Подгответе ја смесата така што во сирењето ќе ги додадете ајварот, оревите, стопениот путер, солта и биберот.
Добро измешајте ја смесата и потоа направете топчиња. Секое топче извалкајте го во магдонос и бомбиците чувајте ги во фрижидер до сервирање.
Предлог за сервирање:
Парчиња леб исечкајте ги дијагонално за да добиете триаголници, па пржете ги на загреан путер додека не поруменат.
На секое парче леб ставете по една бомбица. Можете да користите и крекери и на секој да ставите по една бомбица.
