Фудбал

СП 2018 – Јужна Кореја со тактика „збуни го непријателот“: И онака сите сме ви исти

18. јуни 2018 - 11:36 | А.С.

Селекторот на Јужна Кореја Шин Тае-јонг пред средбата со Шведска го откри генијалниот план „збуни го непријателот“ што го применил за време на подготовките за Светското првенство.

Јужна Кореја е во групата F со селекциите на Германија, Мексико и Шведска. Денеска од 14 часот го игра првиот меч со Шведска.

Шин истакна дека за време на подготвителните натпревари намерно им ги менувал броевите на дресовите на репрезентативците за да ги збуни Швеѓаните, но и Германците и Мексиканците.

„Знам дека Швеѓаните ни ги скаутираа натпреварите и ни доаѓаа на тренинзи. Поради тоа решив на сите подготвителни натпревари и на тренинзите да ги менувам броевите на играчите. На Европејците секако им сме сите исти на лик, единствено можеби би ги препознале Сон Хеунг-мин или Ки Сунг-јонг“, рече Шин.

Ќе видиме дали ваквата тактика на селекторот ќе вроди со плод на денешниот натпревар.

Коментирај