Наука

SpaceX доби дозвола да испрати летало со екипаж во Земјината орбита

26. февруари 2019 - 18:09 | К.З.

Истражувањето на вселената е следниот чекор на визионерот Елон Маск, кој преку неговата компанија SpaceX има намера да стигне до Месечината, Марс и било која и да е наредната точка на проучување на вселената. Но, најпрво треба да го направи првиот чекор – да испрати екипаж во орбитата.

За време на минатиот викенд, NASA и SpaceX потврдија дека постигнале договор со кој приватната компанија SpaceX ќе добие дозвола да испрати екипаж во Земјената орбита со леталото Crew Dragon.

Летот е закажан за 2 март и тоа ќе биде прва американска ракета со екипаж која ќе одлета во Земјината орбита во последните осум години. Според надлежните лица, нема никаква грижа околу претстојниот лет и SpaceX, NASA, Falcon 9 и Crew Dragon се подготвени и едвај чекаат на летот.

Од SpaceX беше најавено дека ракетата Falcon 9 и леталото Crew Dragon ќе бидат поставени на ракетодромот Kennedy Space Center веќе во четврток, 28 февруари – отприлика 48 часа пред лансирањето.

Компанијата исто така потврди дека во тестот ќе биде вклучена и кукла која се користи за краш-тестови, која ќе носи астронаутски костум и ќе има опрема за мерење на основите единици кои им се потребни на дизајнерите во SpaceX за пресметките за наредните летови на кои ќе има човечки екипаж. Првиот таков лет е планиран за месец април оваа година.

Коментирај