Директорот на компанијата SpaceX, Елон Маск објави дека планираат туристички лет околу Месечината. Две засега непознати лица, веќе ја платиле својата карта за летот што ќе го организира компанијата на Маск.
Туристите пред летот ќе бидат подложени на сериозни тестирања и тренинзи кои ќе почнат на крајот на годината.
„Слично како и астронаутите на Аполо, овие патници во вселената, со себе ќе понесат надеж и соништа за целото човештво“ - соопштија од SpaceX.
Летот треба да се изведе во текот на 2018 година, а цената на картите за таа авантура не е позната.
Засега е познато дека лансирањето ќе биде изведено од Кејп Канаверал, од каде што полетуваа и ракетите од програмата Аполо.
Претпоставките се дека ова нема да биде единствениот ваков потег на SpaceX бидејќи имаат листа на чекање со голем број луѓе кои имаат голем интерест да бидат вселенски туристи.