По вчерашното одложување компанијата SpaceX во Тексас успешно го изврши второто тестирање на Starhopper, прототип на ракетата Starship која ќе ги однесе луѓето на Месечината и на Марс.
Ракетата Starhopper во текот на тестот ја достигна досега најголемата висина, а потоа се врати на површината. Овој тест лет имаше за цел да демонстрира можност за контролирано полетување и слетување.
Прототипот е опремен со еден главен мотор со кој за првпат полета на 25 јули и достигна висина од само 18 метри над површината. Овој пат Starphopper достигна импресивна брзина од 150 метри. На висина лебдеше една минута, а потоа со помош на моторот лесно слета на површината.
Starhopper се користи за тестирање на дизајнот на идната ракета Starship со која ќе се испраќаат луѓе на Месечината и на Марс. Starship ќе биде висок 55 метри, а од Земјата ќе се лансира со помош на Super Heavy ракетата.
SpaceX го тестира и новиот ракетен мотор наречен Raptor, кој ќе го придвижува Starship. Starhopper има само еден Raptor, а финалниот дизајн на ракетата ќе користи шест Raptor ракетни мотори. Во текот на тестирањата ќе се додаваат ракетните мотори, а компанијата развива уше два прототипа на ракетата.