Минатата недела SpaceX ја испрати ракетата Falcon 9 со 60 сателити во вселената. Холандскиот астроном Марко Лагброк успеа да ги сними сателитите додека орбитираа околу Земјата, ден откако ракетата ги испрати сателитите во орбитата на Земјата.
Елон Маск потврди дека сите 60 сателити се онлајн и во целост се оперативни, а дека мисијата за лансирање минала без проблеми. Ако овој негов проект за супербрз интернет се покаже успешен SpaceX би можел да ги победи конкурентите како Amazon и OneWeb, кои исто така се обидуваат да воспостават своја интернет конфигурација.
Во следните неколку години SpaceX планира да лансира илјадници сателити. Со тоа евтиниот интернет би бил достапен во поголем дел од светската популација, каде сè уште е недостапен. Целиот проект чини 10 милијарди долари.
