Суперхеројот Спајдермен го привлече вниманието на јавноста откако беше забележан како се ракува со папата Франциск во Ватикан, во текот на традиционална општа аудиенција.
И покрај жештините, маж облечен како ликот на Спајдермен трепливо си чекаше во ред во салата за аудиенција, опкружен со свештеници. Кога му дојде неговиот ред, тој се ракуваше со папата на кого му се поклони со маската на Спајдермен.
Кој се крие за зад маската на Спајдермен?
Станува збор за 28-годишниот Италијанец Мати Вилардита за кого претходно има пишувано и официјалниот ватикански весник, којшто обично е фокусиран на апстрактни теолошки расправи.
Момчето веќе неколку години волонтира во болници за да им помогне на болните деца повторно да ги вратат насмевките на лицата, и тоа облечен како Спајдермен.
Во текот на карантинот Италијанецот објави повеќе од 1.400 снимки со деца. Од претседателот на Италија на почетокот на годинава доби високо признание коешто им се доделува на граѓаните за нивниот алтруизам.