Претседателот на Владата Оливер Спасовски, министерот за здравство Венко Филипче и д-р Владимир Микиќ од Институтот за јавно здравје денеска одржаа заедничка прес-конференција за состојбата со COVID-19 во земјава.
На новинарско прашање дали најновото проширување на полицискиот час е последна мерка што Владата ја има на располагање, Спасовски одговори:
„Има разработени сценарија и може да очекуваме уште мерки, ама аперлирам граѓаните да не постапуваат неодговорно, сѐ со цел да видат дали ќе има уште мерки.
Колку поодговорни ќе бидеме во овој процес, толку мерките би биле полесни и толку пократко би траела целата оваа ситуација на ширење на вирусот и толку помали би биле штетите на економијата“, рече, меѓу другото, Спасовски.