Германскиот произведувач на автомобили, Audi, го откри посебното издание за својот тркачки модел R8, со ознака Sport Performance Parts, кој ќе се произведува во само 44 примероци.
Цената на овој специјален модел на Audi, како што е соопштено, ќе изнесува вртоглави 234.000 долари.
Ова лимитирано издание, R8, под хаубата има 5,2 литарски V10 плус агрегат, кој располага со 600 коњски сили.
Моделот R8 е достапен само во Misano Red боја, како и кожни седишта.
На него се наоѓаат и 20-инчни алу-фелни со Michelin Pilot Cup 2 пневматици, кои ја олеснуваат оваа верзија во однос на стандардната за осум килограми.
За забавување и запирање на овој „ѕвер“, задолжени се титаниумски плочки и карбон-керамички дискови.