Италијанскиот прволигаш Милан подготви специјална верзија на дресот за натпревари на домашен терен по повод 120-годишнината од основањето на клубот.
Компанијата за спортска облека и опрема Puma на Instagram објави фотографии на кои Сусо го носи новиот дрес на кој логото на компанијата, грбот на Милан и имињата на спонзорите се во златна боја.
Под грбот на Милан стои бројот 120 – точно толку години постојат „росонерите“, а на задната страна на дресот под околувратникот исто така со златна боја е испишано 1899-2019.
„Ќе бидеме тим на ѓаволи
Нашите бои ќе бидат црвени како пламен
Црни како стравот на нашите противници“,
гласи моќната порака испишана на задната страна на дресот.
Милан во овие дресови ќе заигра против Сасуоло на „Сан Сиро“ на 15 декември.