Флојд Мејведер, легендарниот боксер, го прифати предизвикот на Хабиб Нурмагомедов, актуелниот шампион на УФЦ во лесна категорија.
Рускиот борец пред неколку дена го победи Ирецот Конор Мекгрегор со што успеа да ја одбрани титулата најдобар на светот.
Битката помеѓу двајцата УФЦ борци предизвика голема внимание во јавноста, посебно поради тоа што по завршувањето се случи инцидент во публиката.
Откако се смирија страстите, Нурмагомедов повторно го крена светот на нозе, бидејќи го предизвика боксерот Флојд Мејведер, кој е непоразен во 50 борби, од кои 27 ги заврши со нокаут удар.
Сите го чекаа одговорот од Американецот, кој конечно се огласи на Instagram, каде напиша дека телевизиите CBS и Showtime треба да се подготват за пренос, како и хотелот MGM Grand кој треба да им обезбеди сместување.
Исто така напиша дека сите можат да одат на профилот на Леонардо Елербе, каде е објавено видео од тоа како Хабиб го предизвикува Флојд.
На крај само порача - „Да го направиме Лас Вегас повторно голем“.
За потсетување, Флојд веќе боксуваше против УФЦ борецот Конор Мекгрегор и секако победи, откако тој меч се одржа според боксерски правила.
Оваа борба беше позната и како „Money Fight“, бидејќи во игра вкупно беа повеќе до 500 милиони долари.
