На фотографијата се гледа најголемиот вулкан во Сончевиот Систем, Олимп Монс.
Обединетите Арапски Емирати имаат уште една причина за славење. Нивната сонда Hope, откако успешно влезе во орбитата на Марс, ја испрати и првата фотографија од Црвената планета.
Фотографијата објавена од вселенската агенција на ОАЕ го покажува најголемиот вулкан во Сончевиот Систем, Олимп Монс, облеан во утринска светлина.
Според агенцијата, фотографијата е направена на надморска височина од 24.700 километри, ден откако сондата влезе во орбитата на планетата.
Својот ентузијазам за објавената фотографија го покажа и владетелот на Дубаи, шеикот Мохамед бин Рашид Ал-Мактум.
„Првата фотографија на Марс направена од првата арапска сонда во историјата“, напиша тој.
Hope се очекува да ги проучува временските услови на Марс во следните две години и е една од трите сонди што ќе стигнат до Марс во текот на февруари.
Кинеската сонда Tianwen-1 веќе влезе во орбитата на Марс и ќе кружи колу планетата заедно со Hope, а на 18 февруари американскиот ровер Perseverance треба да слета на Црвената планета.