Филмот „Spider-Man: Far from Home“ на Sony Pictures му даде малo освежување нa Холивуд во стартот на летната сезона. Суперхеројскиот филм оствари одлична заработка од 93,6 милиони долари изминатиот викенд.
Филмот добро заработи и на светскиот бокс-офис, вкупно 500 милиони долари. Првите критики за филмот од критичарите и од публиката се позитивни. Главните улоги ги толкуваат Том Холанд (Питер Паркер), Самјуел Л. Џексон (Ник Фјури), Зендаја (Мишел), Џон Фавро (Харолд Хоган) и Џејк Џиленхол (Квентин Бек). Филмот следи по настаните од „Avengers: Endgame“.
На второ место е „Toy Story 4“, со заработка од 34,3 милиони долари. На трето место е „Yesterday“ со 10,7 милиони долари, а по него следува „Annabelle Comes Home“, со заработка од 9,7 милиони долари. Меѓу првите пет се најде и „Aladdin“, со 6,5 милиони долари.
Ова е целосната листа на најгледани филмови во текот на изминатиот викенд, во САД и Канада:
1. Spider-Man: Far from Home – 93,6 милиони
2. Toy Story 4 – 34,3
3. Yesterday – 10,7
4. Annabelle Comes Home – 9,7
5. Aladdin – 7,6
6. Midsommar – 6,5
7. The Secret Life of Pets – 4,7
8. Men in Black International – 3,6
9. Avengers: Endgame – 3,1
10. Rocketman – 2,7 милиони долари.