На пријателски натпревар на Кипар, Стефан Спировски постигна вистински еврогол од триесетина метри и тоа во мрежата на неговиот познаник, Дамјан Шишковски.
За АЕК од Ларнака во составот се најдоа тројца Македонци и тоа староседелците Даниел Мојсов и Иван Тричковски плус новодојдениот Стефан Спировски. На спротивната страна во дресот на Докса, исто така од почеток, беа Душко Трајчевски и голманот Дајман Шишковски, кој летово пристигна на Кипар од редовите на Работнички.
Беше 1:0 за АЕК кога на минута пред полувремето Спировски доби една топка на триесет и кусур метри, не му ја мислеше многу и упати проектил кој и покрај огромната далечина Шишковски не успеа да го сопре да ја затресе мрежата. Спировски буквално му посака „Добредојде на Кипар“ на Дамјан, кого го познава од репрезентацијата каде понекогаш се појавува како резервен голман.
(голот е на 0:39)
Тоа се покажа и како конечен резултат.
Новата сезона на Кипар почнува на 22 август, па ќе гледаме уште вакви македонски дуели, се надеваме и со голови на нашите интернационалци.