Австралискиот возач Даниел Рикардо го објави своето пензионирање. Она што практично беше најавено пред една година, сега е официјализирано.
Легендарниот Австралиец Даниел Рикардо се пензионира. Тој беше дел од караванот на Формула 1 од 2011 до 2024 година. Во својата кариера возеше за ХРТ, Торо Росо, Ред Бул, Рено, Мекларен, Алфа Таури и Рејсинг Булс.
Возеше 257 трки, забележа 8 победи (7 во Ред Бул, 1 во Мекларен), 32 подиума и освои вкупно 1.329 бодови.
Негов најдобар резултат беше додека возеше за Ред Бул помеѓу двајцата големи шампиони Себастијан Фетел и Макс Верстапен. Во тој период двапати беше трет во генералниот пласман.
Последната трка ја возеше минатата година во Сингапур за Рејсинг Булс.
