Фредерик Васер ќе остане на чело на тимот на Ферари и во иднина.
Ова е одлука на менаџментот, бидејќи Кристиан Хорнер, некогашен прв човек на Ред Бул, изјави дека е заинтересиран да се приклучи на Скудерија.
Мариа Конти, првиот човек што комуницираше со медиумите, го пренесе она што го кажаа Џон Елкан и Бенедето Виња, главните луѓе во Ферари.
„Нашиот став е јасен. Ништо нема да се промени. Веруваме во Фред и неговиот тим. Тој има наша целосна поддршка.“
Ферари се надеваше дека ќе се бори за шампионската титула, но јасно е дека нема ништо од тоа оваа година. Мерцедес доминира со Антонели и Расел. Скудерија со Хамилтон и Леклер е втора, но со дури 160 поени помалку во борбата за титулата меѓу конструкторите.
„Секако дека не сме задоволни, но верувам дека сме на вистинскиот пат. Хорнер бара нова работа и тоа е во ред. Што можам јас да направам? Само да го поттикнам тимот, да бидеме уште посилни“, рече Васер по трката во Баку.
