Луис Хамилтон успеа да сруши рекордот на Михаел Шумахер на неделната трка за Големата награда на Сингапур.
Седумкратниот светски шампион, кој од оваа сезона вози за тимот на Ферари, го освои осмото место во Сингапур, откако во финишот имаше проблеми со сопирачките, но успеа да го сруши рекордот на славниот Германец.
Британецот го извозе најбрзиот круг на гореспоменатата трка. Тоа му успеа во последните 15 кругови кога на својот болид стави меку пневматици, во обид да го стигне Кими Антонели на петтото место.
Не успеа во тоа, но го извозе најбрзиот круг. Со тоа успеа да заврши барем една голема награда со најбрз круг 16 години по ред.
Со тоа, Хамилтон го сруши рекордот на Михаел Шумахер, кој го постави во Ферари, со кој доминираше во Формула 1 на почетокот на овој век.
