Кристијан Хорнер дебело си го наплати отказот

Кристијан Хорнер официјално го напушти Ред Бул откако беше постигнат договор за раскинување на договорот и пакет за отпремнина во вредност од 60 милиони евра, објави BBC.

Британецот (51) беше на чело на тимот од неговото основање во 2005 година и во тој период го водеше тимот до 8 шампионски титули во конкуренција на возачи и 6 во конкуренција на конструктори.

Имаше годишна плата од 12 милиони евра, а неговиот договор беше важечки до 2030 година.

На 9 јули Ред Бул објави дека Хорнер е „ослободен од оперативни должности“, а одлуката следеше по турбулентни 18 месеци, кога вработена во Ред Бул го обвини за сексуално вознемирување.

Обвинувањата, кои станаа јавни во февруари 2024 година, беа отфрлени од Хорнер двапати – прво по внатрешна истрага, а потоа по жалба поднесена од жената.