Ландо Норис ја освои титулата во Формула 1 за прв пат во својата кариера

Возачот на Мекларен, Ландо Норис, го освои шампионатот во Формула 1 за прв пат во својата кариера.

Норис заврши трет на денешната трка за Големата награда на Абу Даби, што му беше доволно да го освои шампионатот во Формула 1.

Видовме еден голем детаљ во трката уште во првиот круг. Макс Верстапен стартуваше од првото место во својот Ред Бул и веднаш го одбрани, но веќе во првиот круг видовме пресметка меѓу возачите на Мекларен.

Ландо Норис ја започна трката од второто место, а Оскар Пјатри од третото, а веќе во првиот круг Пјатри направи одличен маневар на надворешната страна за да го престигне Норис, кој падна на третото место.

Откако Норис влезе во боксот во 17-от круг, падна на 9-тото место, но брзо се искачи на четвртото.

Пред него во тој момент беше Јуки Цунода, возачот на Ред Бул, кој се потруди да го спречи Британецот и да го забави за да му даде шанса на Леклер да го престигне, и така Верстапен да стане шампион.

Норис го престигна Цунода во 23. круг, но се чини дека го сторил тоа со напуштање на патеката и беше под истрага.

На почетокот од 30-тиот круг судиите ја донесоа конечната одлука, која не беше да се казни Норис, туку да се казни Цунода со 5 секунди за одбрана на недозволен начин  двапати со промена на насоката во која се движеше, и беше заклучено дека Норис поради ова бил принуден да ја напушти патеката.

Верстапен го задржа водството до крајот на трката, пред Пјастри, а кога Норис ја помина целта на третото место, почна да ја слави шампионската титула.

Норис на крајот ја освои титулата со 423 поени, два повеќе од Верстапен. Титулата кај конструкторите беше прославена одамна во Мекларен.