Шарл Леклер ќе продолжи да вози за Ферари во следните неколку сезони, откако италијанскиот тим од Формула 1 објави долгорочно продолжување на договорот пред неговото домашно Гран при во Монако денеска.
Леклер, возач на Ферари од 2019 година и кој досега има освоено осум трки, рече дека е воодушевен што го продолжува своето патување со Ферари.
Тој моментално е трет во пласманот на возачи, 56 поени зад лидерот Кими Антонели од Мерцедес.
„Шарл е дел од семејството Ферари многу години и ова продолжување е природен чекор за нас. Го видовме како се развива во еден од најсилните возачи во Формула 1, но и некој кој е целосно интегриран со тимот и она што Ферари го претставува“, рече шефот на тимот Фред Васер.
Леклер има 155 стартови во кариерата за Ферари, повеќе од кој било друг возач освен Михаел Шумахер, и е втор по бројот на пол позиции што ги освоил. Негов колега е седумкратниот светски шампион Луис Хамилтон, кој пристигна од Мерцедес минатата година, објави Reuters.
Ферари последен пат победи на Гран при во 2024 година, а последната титула ја освои во 2008 година. Леклерк беше трет оваа сезона во Австралија и Јапонија, додека во Монако се очекува да биде меѓу фаворитите на патеката каде што стартната позиција е клучна.
