На Алонсо му падна воланот сред возење

Легендарниот шпански возач Фернандо Алонсо наиде на необичен проблем вчера на вториот тренинг пред Големата награда на Бахреин.

Кариерата на Алонсо трае 25 години, но сигурно никогаш не го доживеал тоа што се случи вчера во Бахреин. Имено, на сред возење на Алонсо му падна воланот и му остана в раце.

За среќа, брзината со која Алонсо се движеше во тој момент во неговиот Aston Martin не беше преголема, а имаше и среќа што на тркачката патека во Бахреин има многу простор надвор од границите на патеката, па не се заби во ѕидот.

Алонсо успеа да го искористи своето искуство за да се снајде и да го врати воланот на предвиденото место, а потоа да сврти надесно за да го продолжи кругот за време на тренингот.

Во Бахреин денеска од 14 часот и 30 минути ќе се одржи третиот тренинг, а квалификациите се закажани за 18 часот. Трката е утре во 17 часот.