Михаел Шумахер, легендарниот седумкратен светски шампион во Формула 1, минатиот месец потпишал специјална кацига за да ја поддржи добротворната организација „Трка против деменција“ (Race Against Dementia) на неговиот соиграч Џеки Стјуарт. Станува збор за кацига потпишана од сите дваесет живи светски шампиони во Формула 1.
Шумахер, кој се повлече од јавниот живот откако претрпе сериозна повреда на мозокот во несреќа при скијање во декември 2013 година, ги додаде своите иницијали „MS“ на кацигата со помош на неговата сопруга Корин. Со ова се комплетира собирањето потписи од сите живи светски шампиони. Белата кацига со препознатливиот шкотски тартан на Стјуарт е симбол на поддршка за борбата против деменцијата.
Поранешниот колега на Михаел Шумахер, Џони Херберт, рече дека моментот на потпишување на кацигата бил многу емотивен, при што Шумахер, со помош на неговата сопруга, успеал да ја потпише. „Не сме виделе ништо толку емотивно со години и се надеваме дека е знак“, рече Херберт.
Потоа Херберт додаде: „Се надевам дека Михаел е на работ на закрепнување. Беше долго и ужасно закрепнување за семејството, се надевам дека повторно ќе можеме да го видиме во јавноста на Ф1. Би било добредојдено, и не само во светот на Ф1, туку во целиот свет поради ужасната ситуација во која се најде.“
Да потсетиме, поминаа повеќе од 11 години откако Шумахер (56) имаше сериозна несреќа на скијање во Франција. Големиот Формула 1 беше сериозно повреден, преживеа, но неговата состојба е непозната за јавноста. Сопругата на Михаел, Корина, со години дава кратки изјави и строго контролира кој смее да го види.
По несреќата, тој беше во кома шест месеци. Лекарите се бореа за неговиот живот во болница во Гренобл, а тој беше во индуцирана кома долго време пред да се врати во семејниот дом во Швајцарија. Оттогаш не е виден во јавноста, многу малку се знае за неговата здравствена состојба, а неговото семејство ја чува неговата приватност.
