Викендов во Мадрид се одржува Големата награда на Шпанија, а за време на вчерашните тренинзи тимот на Вилијамс предизвика голема полемика со дизајнот на својот болид.
Раководството на британскиот тим одлучи да го одбележи враќањето на трката во Мадрид со специјален ретро-изглед, но наместо позитивни реакции, предизвика гнев во јавноста.
Како резултат на тоа, Карлос Саинс и Алекс Албон возеа болиди со шема на бои инспирирана од периодот кога семејството Бин Ладен беше спонзор на тимот.
Вилијамс креираше ретро-дизајн во бела, зелена и темносина боја како почит кон болидот FW07C од 1981 година, со кој тимот, предводен од возачите Алан Џонс и Карлос Ројтеман, ја освои титулата во шампионатот за конструктори.
Навивачите на социјалните мрежи веднаш пронајдоа архивски фотографии од 1979 и 1981 година на кои јасно се гледа логото на хотелска компанија во сопственост на Мохамед бин Авад бин Ладен, таткото на Осама бин Ладен.
It’s pure insanity that this weekend, and today September 11th specifically, @WilliamsRacing is sporting a throwback livery to a car that was sponsored by the Bin Laden family business pic.twitter.com/mxW6r22444
— tylerscott (@tylerscott) September 11, 2026
Ситуацијата дополнително се влоши поради фактот што тренинзите во Мадрид се одржаа на 11 септември – токму на денот кога се одбележуваше 25-годишнината од терористичките напади врз Соединетите Држави, организирани од Осама бин Ладен.
