Фудбалскиот тим на Бразил, Саун Пауло, се најде во центарот на истрага во Боливија откако полицијата откри повеќе од 80 килограми марихуана во автобусот што го изнајмиле да ги превезе фудбалерите. Клубот беше во Боливија за натпревар од осминафиналето на Копа Судамерикана.
Според локалните медиуми, боливиската полиција го запрела автобусот за време на рутинска проверка додека ги превезувал играчите на Саун Пауло. За време на прегледот на возилото, биле откриени точно 86,5 килограми марихуана. Полицијата веднаш ги уапсила тројцата возачи и го конфискувала пронајдениот товар.
A rental bus meant to carry the São Paulo delegation to La Paz (Bolivia) for the Copa Sudamericana match was stopped by Bolivian police after over 80kg of marijuana was found on board. 🤯
— SPORF (@Sporf) August 12, 2026
The bus, already fitted with São Paulo logo stickers, was raided during a routine… pic.twitter.com/yawhllzsUV
Бразилскиот клуб организирал замена на автобусот по инцидентот. Фудбалерите на Саун Пауло наводно не биле свесни што се случува сè додека не пристигнале на нивната дестинација во Санта Круз.
Целиот инцидент го засени натпреварот од осминафиналето на Копа Судамерикана помеѓу Боливар и Саун Пауло, кој се одигра синоќа. Натпреварот заврши нерешено 1:1. Гостите поведоа со голот на Роберто Арболеда, додека Мелгар израмни за Боливар во второто полувреме.
