Роберт Левандовски (37) е се поблиску до сензационално заминување од Барселона откако доби понуда од Саудиска Арабија која, како што се вели, би му го променила животот.
Според полскиот WP Sportowe Fakty, Ал Хилал е решен да го доведе 37-годишникот за да го засили нападот со уште една икона на светскиот фудбал. Клубот од Ријад му ги презентирал финансиските детали од договорот.
Иако неколку клубови беа поврзувани со полскиот репрезентативец во последните недели, вклучувајќи ги Јувентус, Милан и американскиот Чикаго Фајр, Ал Хилал преку ноќ стана главен фаворит.
Финансиската понуда е огромна, дури и за стандардните на Саудиската професионална лига.
Се шпекулира дека Ал Хилал на Левандовски му нуди плата од 90 милиони евра по сезона.
И покрај претходните написи на шпанскиот весник АЅ во кои се сугерираше дека геополитичките причини би можеле да го одвратат напаѓачот од преселба на Блискиот Исток, се чини дека само износот на финансискиот пакет ја променил ситуацијата. Со оглед на тековните финансиски предизвици на Барселона, заминувањето на најплатениот играч би донело значително олеснување за буџетот на клубот.
Доколку Левандовски го комплетира трансферот во Ал Хилал, тој ќе се приклучи на исклучително амбициозен тим предводен од поранешниот тренер на Интер, Симоне Инѕаги.
Во тимот веќе има голем број ѕвезди, вклучувајќи го поранешниот напаѓач на Реал Мадрид и освојувач на Златната топка, Карим Бензема, заедно со Сергеј Милинковиќ-Савиќ, Рубен Невеш и Калиду Кулибали.
Левандовски остави длабока трага во фудбалот играјќи за Борусија Дортмунд, Баерн и Барселона. Во својата кариера постигна повеќе од 700 голови и освои сè што е можно на клупско ниво. ФИФА го прогласи за најдобар фудбалер во светот во 2020 и 2021 година.
Единствено не моеж да се пофали со успех со репрезентацијата на послка со која играше на 4 Евреопски првенства (2012, 2016, 2020 и 2024), но на само два Мундијала (2018 и 2022) откако не уѕпсеа да се квалификува на турнирите во 2010, 2014 и сега во 2026.
