Откако го напушти Хајдук, Трајковски со месеци чекаше на странски понуди, но опциите што ги сакаше на крајот пропаднаа.
Пред крајот на есенската сезона, загрепска Локомотива направи изненадувачки, но голем потег, доведувајќи го репрезентативецот на Македонија, Александар Трајковски, поранешен играч на Хајдук.
Искусниот напаѓач пристигна во Загреб во придружба на агентот Давор Ќурковиќ, а по состанокот со Божо Шикиќ беа договорени сите аспекти на соработката. Тој во вторник ќе се приклучи на тренинзите на тимот на Никица Јелавиќ.
Трајковски за Sportske novosti го потврди трансферот и објасни како дошло до него:
„Многу сум среќен што станав играч на Локомотива, тим што го познавам добро од времето во ХНЛ. Потребите на клубот и моите се совпаѓаат и верувам дека соработката ќе биде заемно корисна.“
Откако го напушти Хајдук, Трајковски чекаше со месеци на странски понуди, но опциите што ги сакаше на крајот пропаднаа. Сепак, остана во репрезентативен ритам цело време, играјќи 5 натпревари за Македонија од јуни до ноември, последниот на 13 ноември против Латвија.
„Здрав сум, тоа е најважно. Постојано тренирам, иако знам дека натпреварувачкиот ритам е нешто друго. Уверен сум дека брзо ќе фатам чекор.“
Трајковски е свесен дека мора да влезе во натпреварувачка форма, но верува дека брзо ќе се вклопи во тимот.
„Ја познавам ХНЛ, а наскоро ќе ги запознаам сите мои соиграчи и тренерот. По неколку натпревари ќе бидам во вистинскиот ритам.“
Локомотива добива напаѓач со искуство во Серија А, Ла Лига и ХНЛ пред продолжувањето на првенството, а тренерот Јелавиќ напаѓачка опција што би можела значително да го подигне нивото на игра.
До крајот на есенскиот дел пред Нова година тимот од хрватската престолнива игра со Вараждин, Хајдук и Динамо, а потоа до 24 јануари следува зимска пауза.
