Соединетите Американски Држави го победија Парагвај со 4:1 на стадионот „СоуФај“ во Инглвуд во првото коло од Светското првенство, на одличен начин отворајќи го натпреварувањето на најдобрите репрезентации на планетата.
Натпреварот започна добро за Американците, бидејќи поведоа уште во 7. минута со автогол на Дамиан Бобадиља. Фоларин Балогун потоа постигна гол во 28. минута, но беше поништен по интервенција на ВАР поради офсајд.
Сепак, Балогун успеа да го дуплира водството три минути подоцна со асистенција од Кристијан Пулишиќ. Балогун, во одлично расположение, го постигна третиот гол за „Јенките“ во судиското продолжение од првото полувреме, овој пат со асистенција од Малик Тилман. Така со резултат од 3:0 се замина на полувреме.
Америка продолжи да се заканува во текот на целиот натпревар. Во 55-тата минута побараа пенал откако Балогун беше соборен, но судијата процени дека нема доволно елементи за најстрога казна.
Парагвај успеа да постигне утешен гол преку Маурисио во 73. минута, но до крајот на натпреварот немаше сериозна офанзива што ќе ја загрозеше победата на Американците на отворањето на првенството. Кодомаќините дури успеаја да постигнат и четврти гол длабокото судиско продолжение преку Џовани Рејна, која вешто го постави конечниот резултат на 4:1.
Така, Америка запиша 3 бода, Парагвај остана без бодови, додека Турција и Австралија ќе го играат својот натпревар од првото коло утре наутро во 6:00 часот по македонско време. Во второто коло во оваа група се среќаваат САД - Австралија, како и Турција - Парагвај.
