Англичаните се посрамотија: Во ЛШ ја пуштија химната на Лига Европа

Фудбалерите на Астон Вила синоќа беа блиску до чудо во четвртфиналето на Лигата на шампионите, каде во неверојатен кам-бек во Бирмингем го совладаа ПСЖ со 3:2, но Французите се пласираа во полуфиналето поради победата во првиот меч од 3:1.

По натпреварот многу се зборуваше за неверојатната грешка на Астон Вила пред почетокот, бидејќи англискиот тим пушти погрешна химна на звучниците на „Вила Парк“.

Пред секој натпревар од Лигата на шампионите се свири химната на натпреварувањето, а некој направи голема грешка и наместо неа на „Вила Парк“ ја пушти химната на Лига Европа.

Некои играчи веднаш забележаа дека нешто не е во ред и можете да видите како со насмевка ја коментираат ситуацијата. Навивачите беа изненадени и кога ги слушнаа нотите на химната на второто по ранг натпреварување на УЕФА, а снимката брзо се прошири на социјалните мрежи.

Инаку, по половина час игра синоќа ПСЖ водеше со 2:0 со головите на Хакими и Мендеш, а пресвртот на „Вила Парк“ дојде од Тилеманс, МекГин и Конса, но ПСЖ се пласираше благодарение на победата од 3:1 на „Паркот на принцовите“ во првиот меч.