Артета брутално искрен: Ќе бидам најголемиот навивач на Борнмут на сите времиња!

Фудбалерите на Арсенал го одработија својот дел во 37. коло од Премиер лигата, а дали ќе станат шампиони на Англија вечерва или овој викенд, за прв пат од 2004 година, или дали повторно ќе извисат за шампиони на Англија, делумно зависи од Манчестер Сити. А делумно и од вечервашниот ривал на нивниот прв тим - Борнмут.

Бидејќи „Топчиите“ имаат пет бода повеќе од „Граѓаните“, во случај на нерешен резултат за вторите, на гостински терен во претпоследното коло од Премиер лигата, ќе ја гледаме прославата на титулата на улиците на Лондон, а не во првиот индустријализиран град во историјата на човештвото.

„Ќе бидам најголемиот навивач на Борнмут на сите времиња! Мислам дека сите во Арсенал ќе навиваат за нив бидејќи знаеме што можат да ни донесат. Направивме сè што можевме, ни останува уште еден натпревар, освен ако нешто прекрасно не се случи во Борнмут“, искрено рече тренерот на Арсенал, Микел Артета.

Андони Ираола ќе се обиде со својот тим, популарните „Цреши“, истовремено да му наштети на екстремно скапиот состав на Жузеп Гуардиола, но и да ги зголеми шансите на својот тим во последен момент да се протне во Лигата на шампионите.

„Навистина мислам дека нема причина да разговараме, да му давам некаков совет. Она што го направи во Борнмут, како го трансформираше тимот и го донесе до борба за Лигата на шампионите, е навистина голема работа. Кога ќе погледнете како Барнли се бореше против нас, со каква страст играа, само замислете како ќе игра Борнмут...“, Баскиецот е во право.

Тренерот на Борнмут, Ираола, е исто така Баскиец како Артета, па ќе има и дополнителен мотив да му помогне на својот сонародник да стане шампион наместо Каталонецот Пеп Гуардиола.

Натпреварот Борнмут - Манчестер Сити се игра вечерва од 20:30 чaсот на стадионот „Дин Корт“ во населбата Боскам во Борнмут, а директниот пренос ќе оди на Arena Premium 1.