Барселона заработи милијарда евра, паднаа одлуки за Јамал и Вилијамс

Претседателот на Барселона, Жоан Лапорта, откри детали за тоа како ќе го зачува и зајакне тимот кој освои речиси сè и стана апсолутен владетел на Шпанија оваа сезона.

„Ќе заработиме 950 милиони евра, тоа се речиси милијарда евра. Убеден сум дека ќе бидеме во рамките на правилата на финансискиот ферплеј во однос на буџетот за плати и трансфери. Ќе има промени во нашиот тим ова лето. Ќе се зајакнеме бидејќи нашите ривали ќе го сторат истото откако видоа дека имаме најдобар тим. Прво, ќе ги обновиме договорите на сите играчи што ги сакаме, а потоа ќе почнеме да доведуваме засилувања. Се договоривме за сè со Ламин Јамал, тој веќе го прифати нашиот предлог. Чекаме само 13 јули, кога ќе наполни 18 години, за да може да потпише“, изјави Лапорта за TV3.

Лапорта ги задоволи и навивачите на Барселона кои силно сакаат Рафиња да остане.

„Преговорите со Иниго Мартинес и Рафиња се во завршна фаза. Рафиња ќе остане бидејќи желбата за тоа е взаемна. Тој се чувствува многу поврзан со нашиот проект. Војчех Шчесни исто така ќе остане. Го доведовме поради неговото искуство, а сега му понудивме нов договор. Се надеваме дека ќе остане. Минатото лето сакавме да го доведеме Ник Вилијамс, но сега следиме други играчи. Ерлинг Холанд? Ништо во животот не е невозможно, но сега не размислувам за него бидејќи неодамна го продолжи договорот со Сити“, рече Лапорта.

Да ​​потсетиме дека Барселона ја заокружи тројната круна со освојување на Ла Лига две кола пред крајот на првенството, откако претходно ги освои Суперкупот и Купот на Кралот.