Првата ѕвезда на преодниот рок во Шпанија, па и пошироко, Нико Вилијамс, повторно ја одби Барселона. Крилниот напаѓач го продолжи договорот со Атлетик Билбао до 2035 година. Откупната клаузула во договорот сега изнесува 95 милиони евра. Откако втор пат ја одби Барселона, Каталонците решија да му ја затворат вратата засекогаш.
За потсетување, медиумиуте тврдеа дека Вилијамс го договорил трансферот во Барселона преку својот менаџер. Дел од медиумите во Шпанија пишуваат дека се премислил бидејќи Барселона не можела да гарантира дека ќе биде регистриран.
Поради тоа решил да остане во Билбао, каде го доби најголемиот договор во историјата на клубот.
Барселона преку официјалната веб-страница на Атлетик дозна дека Вилијамс ја продолжил соработката со актуелниот клуб.
Фактот што претходно не ги информирал за својата одлука не му се допаднал на Жоан Лапорта. Првиот човек на Барселона, како што дознава каталонскиот RAC1, решил засекогаш да му ја затвори вратата на Вилијамс.
