Безбедносен трилер зад кулисите: Фудбалерите на Сенегал и Узбекистан претресувани како криминалци

Светското првенство во Канада, САД, Мексико официјално започнува оваа недела, а со тоа и најголемата безбедносна операција во историјата на модерниот спорт.

Додека навивачите ја чекаат магијата на фудбалот на теренот, во позадина се одвива вистински безбедносен трилер. Три национални тимови се под посебен надзор на локалната полиција во Соединетите Американски Држави: Ирак, Сенегал и Узбекистан.

Според снимките што доаѓаат од САД, безбедносните протоколи за овие тимови се толку ригорозни што патувањето од автобус или авион до хотел изгледа како поминување низ воена база.

Многу фанови ширум светот се во неверица откако беше објавена снимка, особено од сенегалски фудбалери кои биле третирани како да имаат дебело криминално досие. Снимката покажува дека дури и нивните стапала биле прегледувани.

Она што им ја отежнува работата на овие национални тимови е фактот што овие испити траат многу долго и можат да ги направат играчите нервозни.

Узбекистанците се дебитанти на Светските првенства, а уште на поријателската со Холандија игра аво понеделникот се соочија со понижување. 

Откако пристигнаа на стадионот, штом излегоа од автобусот, сите играчи, членови на тренерскиот штаб, службени лица и помошниот персонал мораа да поминат низ ригорозна безбедносна проверка. Мораа да ги остават своите работи, кои потоа беа поединечно прегледувани од американски офицери со детектори за метал, а во контролата беа користени и кучиња трагачи.

Селектор на Узбекистан е Фабио Канаваро, светски шпампион со Италија од Мундијалот 2006 и освојувач на Златната топка истата година.

„Само нам ни го прават ова, прашајте ги зошто“, се пожали легендарниот стопер.

Претходно Ирачаните минаа низ голгота што слетаа во Чикаго. Нивниот напшаѓач Ајмен Хусеин беше задржан и испрашуван речиси 7 часа на Меѓународниот аеродром „О’Хара“, а на фотографот на репрезентацијата не му беше дозволен влез во САД и беше вратен назад.