Фудбалерите на Мароко синоќа се пласираа во финалето на Африканскиот куп на нации по луда пенал драма, а херој на победата на домашната екипа беше одличниот голман Јасин Буну, попознат како Боно, кој одбрани два од четирите пенали.
Мароко и Нигерија одиграа не толку интересен натпревар до изведувањето на пенали. Првите 90 минути од мечот завршија без голови, а немаше погодоци ниту во продолжението од двапати по 15 минути.
Сепак, пеналите донесоа возбудувања. Првиот пенал го промашија Мароканците, поточно Хамза Игаман, но со иста мера врати и Самуел Чуквуезе, кој не беше прецизен за Нигерија. Поточно, му одбрани Буну.
Мароканскиот голман стана вистински херој со четвртиот пенал на Нигерија, кој го изведе Бруно Онјемаечи. Пеналот беше навистина неконвенционален и поради позиционирањето на голманот Буну и поради исходот на крајот.
Боно се обиде со трик да го збуни нигерискиот пеналџија, отиде до левата статива пред топката да стигне до него, а Онјемаечи „се нафрли“ и шутираше право на страната каде што беше мароканскиот голман. Лесно го сопре неговиот удар.
Bono unusual penalty save vs Nigeria
byu/Hakimi_Raikkonen insoccer
Мароко ќе игра против Сенегал во големото финале во недела во 20:00 часот. Тоа ќе биде дуел помеѓу двата први фаворити на целиот турнир, што значи дека годинашниот Африкански куп на нации помина без големи сензации и ни донесе возбудувања какви што не паметиме.
И Мароко и Сенегал досега имаат по една титула: Мароко во далечната 1976 година, а Сенегал скоро - во 2021. Мароканците имаат едно загубено финале - во 2004 од Тунис, а Сенегалците две - во 2002 од Камерун и во 2019 од Алжир.
