Македонскиот младински шампион успеа да победи во првиот натпревар од Младинската лига на УЕФА на гости против шампионот на Андора, Санта Колома.
Откако првото полувреме заврши без голови, а во кое младите струмичани беа подобри создавајќи неколку шанси, Глигор Бучков го отвори резултатот во 57. минута. Десет минути пред крајот на натпреварот Бучков го дуплираше водството и ја запечати победата. Три минути пред последниот судиски свиреж во листата на стрелци се запиша и резервистот Филип Кулески, поставувајќи ги конечните 3:0 по втората асистенција на Бојан Велков.
Ова е прв пат македонски тим да победи на натпревар во УЕФА Младинската лига откако сите претходни обиди на различни тимови беа неуспешни. Исто така, досега ниту еден македонски тим не успеал да се пласира во следната рунда. Брера Струмица сега има големи шанси да стане прва.
Реваншот ќе се игра во Струмица на 14 октомври.
