Најдобриот стрелец на Црвена звезда во минатата сезона, Шериф Ендиај, кариерата ќе ја продолжи во Турција. Преодниот рок во оваа земја заврши на полноќ.
Црвена звезда го продаде напаѓачот од Сенегал во Самсунспор. Според српските медиуми, српскиот шампион од овој трансфер заработи 5 милиони евра.
Во текот на денот, Ендиај ќе замине за Турција каде што, по медицинските прегледи, ќе потпише четиригодишен договор со новиот клуб. Тој се враќа во Турција, бидејќи во Црвена звезда дојде од Адана, каде што играше две сезони.
Во дресот на Звезда постигна 40 голови и запиша 12 асистенции на 89 натпревари. Освои две двојни круни и беше најдобар стрелец на првенството минатата сезона.
