Дали има зла крв меѓу Мбапе и Винисиус?

Фудбалерот на Реал Мадрид, Килјан Мбапе, се огласи по натпреварот со Виљареал.

Фудбалерите на Реал Мадрид го победија Виљареал со 3:1 во осмото коло од шпанската Ла Лига, а Винисиус Жуниор постигна два гола, од кои едниот беше од пенал.

Токму оваа ситуација од 69-тата минута ја крена бурата, бидејќи Мбапе не го изведе пеналот.

Одговорноста му беше доверена на Винисиус, за кого тоа беше првиот изведен пенал оваа сезона.

Французинот му го даде шоуто на својот соиграч, а Бразилецот возврати со гол, втор за Реал Мадрид во тој натпревар.

На прес-конференцијата, тренерот на Реал, Чаби Алонсо, рече дека тоа била заедничка одлука на двајцата играчи, но дека официјален изведувач е сè уште Мбапе, кој дотогаш ги изведе и реализираше сите пенали оваа сезона.

„Пеналот? Одлучија заедно, но изведувачот останува Мбапе. Тоа беше прашање меѓу нив двајца“, рече тренерот на Реал.

Тоа беше причината зошто Килјан Мбапе се огласи на социјалните мрежи за да изјави дека е голем обожавател на Винисиус.

Во Story на Instagram, Мбапе објави фотографија направена непосредно пред изведувањето на пеналот - на сликата се гледа како му се приближува на Винисиус со насмевка и блискост со јасна порака:

„Секогаш сум со тебе“, напиша Мбапе, кој го постигна третиот гол за Реал на оваа средба.

Пораката беше придружена од ѕвезди, бидејќи тие се двете најголеми ѕвезди на Реал под водство на Чаби Алонсо.