Дејан Станковиќ се врати на Маракана

Дејан Станковиќ се врати на клупата на Црвена звезда. Како и во 2019 година, кога за прв пат стана тренер на својот сакан клуб, го наследи Владан Милојевиќ на оваа позиција. На официјалната промоција, Станковиќ откри што би променил, која е неговата голема цел, а со одбрани зборови зборуваше за Синиша Михајловиќ, но и за тандемот Александар Катаи - Мирко Иваниќ.

Владан Милојевиќ без изјава замина од Црвена звезда, преку веб-страницата на црвено-белиот тим кратко рече: „Ти благодарам за сѐ Црвена звезда, те сакам“.

Во саботата, по последниот натпревар на клубот оваа година, беше познато дека на „Маракана“ се враќа Дејан Станковиќ, кој според српските медиуми потпишал две и пол годишен договор.

Помеѓу два мандата во Звезда, Дејан Станковиќ работеше во Сампдорија, Ференцварош и московски Спартак, а се врати во клубот, како што беше наведено, за да ја освои двојната круна и да стигне до Лигата на шампионите преку квалификациите, што претходно не му успеа.

Станковиќ со тоа повторно ќе ја продолжи или поточно ќе ја заврши работата што ја започна Владан Милојевиќ, овој пат со бод заостанување во домашното првенство и голема шанса за пласман во наредната фаза од Лига Европа.