Дејвид Бекам и Гари Невил станаа сопственици на Салфорд Сити

Дејвид Бекам се враќа во фудбалска Европа, бидејќи од денес, заедно со поранешниот соиграч Гари Невил и еден американски конзорциум, стана сопственик на Салфорд Сити, член на англиската Лига 2 (четврта лига).

Салфорд е во сопственост на конзорциумот Project 92 Limited од 2014 година, во кој членуваат поранешните играчи на Манчестер Јунајтед, Ники Бат, Рајан Гигс, Гари и Фил Невил и Пол Сколс. Пред три години, Гари Невил му го препушти раководството на клубот на Ники Бат.

Бекам, заедно со Гари Невил и американските бизнисмени Деклан Кели и Марвин Дејвис, купија мнозински удел и имаат намера да го издигнат клубот од Втората дивизија.

„Пораснав во Салфорд. Имам убави спомени, местото и луѓето одиграа важна улога во моето воспитување. Салфорд Сити е срцето на заедницата, има богата историја и воодушевен сум што сум дел од иднината на клубот и градот“, рече Бекам, кој е косопственик на Интер Мајами.

Гари Невил купи акции од сингапурскиот бизнисмен Питер Лим пред една година:

„Ова е уникатно партнерство кое ги спојува различните умови и искуства, а кое е обединето од страста за фудбалот. Фудбалот ќе продолжи да биде приоритет, но од суштинско значење е клубот да стане самоодржлив во следните четири до пет години. Со нетрпение го очекувам следниот чекор од ова патување“, рече Невил.

Салфорд Сити е основан во 1940 година, игра на стадионот „Пенинсула“ и минатата сезона заврши на 8. место во Лига 2, пропуштајќи го плејофот за еден бод.