Лос Анџелес Лејкерс се поразени по 9 последователни победи, губејќи на гостувањето кај Детроит Пистонс со 113:110.
Лејкерс на овој дуел беа без повредениот Маркус Смарт, кој е исклучително важен играч во одбраната на тимот на ЏејЏеј Редик, што Пистонс го искористи и оствари вреден триумф.
Пистонс до победата ги предводеше Џенкинс со 30 поени, 8 асистенции и 4 скокови, додека Дурен додаде 20 поени со 11 скокови и 3 асистенции, а Харис го заврши мечот со 14 поени, 7 скокови и 5 асистенции. Робинсон исто така имаше двоцифрен број на поени, 12, додавајќи и 2 асистенции.
Најдобар играч кај Лејкерс беше Лука Дончиќ со 32 поена, 7 скокови и 6 асистенции. По него следуваше Ривс со 24 поени, 5 асистенции и 2 скока, ДеАндре Ајтон додаде 13 со 10 скокови, а Леброн Џејмс за малку испушти трипл-дабл завршувајќи го мечот со 12 поени, 10 асистенции и 9 скокови. Хејс исто така беше двоцифрен со 11 поени и 3 скока.
Паоло Банчеро одигра одличен натпревар постигнувајќи 39 поени, 6 асистенции и 4 скока во поразот на Орландо од Индијана со 128:126.
Паскал Сјакам ги предводеше Пејсерс со 37 поени, а Индијана со оваа победа ја прекина серијата од 16 порази, што е рекорд на франшизата.
Алперен Шенѓун исто така одлично се истакна во поразот на Хјустон од Чикаго со 132:124. Турчинот го заврши натпреварот со 33 поени, 13 скокови и 10 асистенции, но Рокитс не можеа да обезбедат победа и покрај тоа што покрај него го имаа енергичниот Кевин Дурент со 40 поени, 7 скокови и 5 асистенции.
Резултати:
Детроит Пистонс - Лос Анџелес Лејкерс 113:110
Мајами Хит - Сан Антонио Спарс 111:136
Орландо Меџик - Индијана Пејсерс 126:128
Филаделфија 76ерс - Оклахома Сити Тандер 103:123
Атланта Хокс - Мемфис Гризлис 146:107
Чикаго Булс - Хјустон Рокитс 132:124
Јута Џез - Торонто Репторс 127:143
Далас Маверикс - Голден Стејт Вориорс 131:137
Портланд Треил Блејзерс - Бруклин Нетс 134:99
Лос Анџелес Клиперс - Милвоки Бакс 129:96
Табела:
