Македонската репрезентација се враќа од Белгија со бод по нерешениот меч (0:0), а голманот Столе Димитриевски ја истакна одличната игра во одбраната.
„Беше тежок натпревар, Белгија имаше силна офанзива и постојано нè притискаше. Но, одбраната ни беше перфектна. Игравме без грешка и го исполнивме планот“, изјави Димитриевски.
Гледајќи кон следниот меч против Казахстан кој се игра во понеделник во Скопје, Димитриевски додава:
„Од првиот натпревар во квалификациите сме фокусирани на победа. Натпреварот ќе биде тежок, но играме дома пред нашата публика. Потребен ни е одмор и добра подготовка за да ги освоиме трите бода.“
Македонија во понеделник на Националната арената „Тодор Проески“ ќе го пречека Казахстан, со цел да ја задржи лидерската позиција во групата и по октомврискиот квалификациски прозорец.
