Експерти за компјутерска форензика: УЕФА ја монтирала снимката од пеналот на Алварес

Двајца експерти за компјутерска форензика дошле до заклучок дека УЕФА ја монтирала снимката од спорниот пенал на Хулиан Алварес во осминафиналето на Лигата на шампионите.

Навивачите на Атлетико не се задоволни од начинот на кој нивниот клуб беше елиминиран во осминафиналето на Лигата на шампионите од Реал Мадрид. По сега фамозното изведување пенали, судискиот тим предводен од Полјакот Шимон Марчињак го поништи голот на Хулиан Алварес бидејќи Аргентинецот двапати ја допрел топката пред ударот. Тоа беше клучниот момент, Атлетико беше елиминиран, но дилемата, големата дилема остана, дали судиите навистина постапија правилно?

Во бурните денови по натпреварот, УЕФА објави видео кое ја докажа исправноста на судиската одлука, за да ги смири страстите, но голем е бројот фудбалски фанови, пред сѐ оние кои се навивачи на „Јорганџиите“, кои изразија сомнеж во официјалната верзија која беше сервирана. Во меѓувреме, големата база на навивачи на Атлетико започна своја истрага.

Претставници на Меѓународната асоцијација на навивачи на мадридскиот клуб се обратија до Европската лабораторија за компјутерска форензика и експерти од таа организација, со барање да ги анализираат снимките што УЕФА ги сподели како доказ.

Извештајот на експертите Педро Тубио и Хосе Луис Ривас е јасен во заклучоците – УЕФА ја монтирала снимката!

„Видеото обезбедено од УЕФА не е оригиналното видео снимено од камерата бидејќи откривме визуелно клонирање во одредени сегменти од видеото, одредени промени во низата на слики и целосно отсуство на звучна содржина“, велат овие експерти.

Еден од споменатите, Хосе Луис Ривас, беше гостин во редакцијата на мадридскиот весник Marca, каде уште еднаш го потврди она што го заклучил по деталната анализа на видеото од пеналот.

„Резултатот се доказите што постојат, но исто така, во овој случај, не го сакам фудбалот. Но, дури и да навивам за некој од тимовите, нашата анализа ја базираме на доказите и доаѓаме до едно: дека видеото е монтирано“, рече тој.

Хосе Луис вели дека во процесот на анализа на видеото фокусот не бил на тоа дали Алварес ја допрел топката двапати пред ударот, туку дали некој монтирал одредени секвенци во видеото.

„Нашиот начин на работа со сите клиенти е ист. Се прави прелиминарна анализа за да се утврди дали има смисла она што клиентот сака да го постигне. Тоа ни помага да ја формираме цената на нашата услуга и да му кажеме на клиентот дали воопшто треба да продолжи“.

Следно, овој експерт наведува одредени спорни детали кои ги забележале при анализата на видеото.

„Анализиравме различни точки. Првиот беше метаподатоците, кои беа избришани. Тоа не значи ништо бидејќи тоа е видео од датотека објавена на интернет. Значи, во овој случај, тоа не е важно, но ни дава клучни информации што ни кажуваат дека постојат различни типови на кодирање, па системите за уредување кои би можеле да ни го кажат тоа. Нема пореметување или ако е предвидливо во видеото на УЕФА нема ентропија, а ова е показател дека нешто чудно се случува, многу е веројатно дека е рафинирано“.