Фудбалскиот клуб Манчестер Јунајтед е заинтересиран за голманот на Астон Вила и аргентински репрезентативец Емилиано Мартинес.
Британските медиуми објавуваат дека менаџерот на Манчестер Јунајтед, Рубен Аморим, не е задоволен од одбраните на првиот голман Андре Онана во последната сезона и затоа решил да ангажира нов голман.
Мартинес (32) има договор со Астон Вила до 30 јуни 2029 година. Сепак, некои британски медиуми објавија дека започнале преговори меѓу претставниците на Манчестер Јунајтед и Астон Вила во врска со трансферот на аргентинскиот голман во тимот од „Олд Трафорд“.
Мартинес пристигна во Астон Вила во 2020 година од Арсенал. Тој е член на лондонскиот клуб од 2012 година, а пред да се приклучи на клубот од Бирмингем, играше на позајмица во Оксфорд, Шефилд Венздеј, Ротерам, Вулверхемптон, Хетафе и Рединг.
